Árbores senlleiras

Guía dalgunhas árbores senxeillas elaborada polo alumnado de Manzaneda :D:

Contos sobre a Paz

Con un pouco de retraso pero con moita ilusión presentamos os contos que fixemos sobre unha personaxe moi famosa A Paz. Esperamos que vos gusten!

Viva o Entroido!! Este ano vai de contos...

Como todos os anos, chega a época do Entroido e @s nen@s de Manzaneda celebrámolo por todo o alto.

Este ano, decidimos que nos iamos transformar en personaxes de conto!

Por iso, comezamos a preparar unhas pequenas representacións teatrais dos contos 'Carrapuchiña vermella' e 'Alicia no país das marabillas' dun xeito un tanto especial.

E é que o Entroido é época de troula, liberdade e perder a vergonza, por iso, os nenos representaron os papeis femininos e as nenas os papeis masculinos.

Temos que dicir que foi todo un éxito! Temos uns verdadeiros artistas con nós!


Xa nin que dicir ten, que durante os días previos aos Entroido, estivemos facendo os nosos lardeiros e lardeiras que corremos o día de Comadres e o día de Compadres. Quedaron verdadeiras obras de arte! e inspiradas en persoas do cole! (incluídas as profes!)


Aquí vos quedan unhas pouquiñas fotos de todo o traballo realizado polo Entroido e todo o que desfrutamos xuntos.

Dereitos dos nenos e das nenas

Aínda que un pouquiño tarde, aquí vos amosamos as presentacións feitas para o día dos Dereitos dos nenos e das nenas. Esperamos que vos gusten:

Cambiamos o conto!

Esta actividade está relacionada cos contos clásicos dos cales cambiamos a historia mediante cómics. Animádevos a ler!

Adiviña quen son?

Esta actividade foi ideada para coñecer como é o noso carácter, físico, gustos e aficións con imaxes. Esperamos que vos gusten.

SE UN MONSTRUO VAI CARA A TI... TI DÁLLE CHUCHES!

O pasado xoves día 29 de Outubro celebramos no noso cole o día de Samaín / Halloween.
Foi un día cheo de disfraces terroríficos, actividades, xogos e algún que outro sustiño das profes aos nosos maiores (que levaban toda a semana reclamando un pouquiño de emoción ;) )

Pola mañá, comezamos cun desfile para lucir os nosos disfraces entre unhas cabazas iluminadas con candeas polo corredor do colexio. Metémonos moito nas nosas personaxes e lucimos traxes a ritmo de Michael Jackson e o seu mítico tema 'Thriller'.

A continuación, monstruos, bruxas, momias, zombies e demais personaxes fomos a clase a traballar e aprender un pouquiño.  Foi entón cando as profes dos máis maiores aproveitamos para gastar unha pequena broma aos nen@s. Despois dun pouco de 'medo' inicial todo foron risas, e ben seguro que o recordarán durante unha tempada, así que teremos que andar con coidado o vindeiro ano :)

Xa pola tarde, despois de desgustar unhas galletas moi mostruosas feitas polas mamás do comedor, e unhas cupcakes que trouxeron as profes, vimos unha película na que Scooby Doo e os seus amigos se enfrontaron a uns esqueletos. Foi moi divertida!
Por último, e para rematar a nosa horripilante xornada, tod@s escribimos nun papel cales eran os nosos maiores medos, e queimámolos nunha fogata no patio cun conxuro de meigas de fondo. A partir dese momento, neste cole ningún nen@ ten medo a nada! Todos os nosos medos quedaron queimados nesa fogata e desapareceron.

Agora podemos dicir que temos os nenos e nenas máis valentes do mundo!



                                                       Bo Samaín! Happy Halloween!