Este curso, tivemos un regaliño moi especial na clase das pulguiñas: un acuario!
Fíxonos moitísima ilusión este regalo, e serviunos ademais para comezar un proxecto do que estamos aprendendo moito. Comezamos o noso proxecto sobre os peixes!
Para comezar a coñecer o mundo dos peixes, visionamos un vídeo educativo de Happy Learning que nos encanta ver unha e outra vez!
E como nos proxectos nos encanta que as nosas familias participen, pedimos aos papás e mamás que nos axudaran a investigar sobre un peixe que cada un elixira previamente.
Este é o resultado!
Hoxe estivemos traballando xeometría na aula de 1º e 2º. Comezamos traballando os triángulos, pasamos de clasificalos en grandes e pequenos a facelo polos seus lados. A profe Deli encontrou moitas ideas no instagram da profe Ana Municio @lamunix para traballar as #mateplasti e aproveitamos para traballar tamén as #mategim. Este é o resultado
O neno e nenas da clase de 1º e 2º de primaria están a traballar con Ollos de Sociais, están dándose conta de que en sociais traballamos a nosa realidade e que todos a coñecen.
Agora toca a casa. Ca app TinyTap están a facer uns xogos nos que traballan os elementos da casa, aproveitamos tamén para traballar a lectoescritura, as letras e a separación de palabras.
O van facendo ca estructura de aprendizaxe cooperativo folio xiratorio.
En 1º e 2º de primaria estamos traballando a nosa contorna. Usamos a app de Thinglink para pensar nas diferencias entre cidade e vila. Utilizando a estructura de aprendizaxe cooperativo folio xiratorio.
O curso pasado participamos nun concurso promovido pola ONCE que consistía en deseñar carteis en contra do acoso escolar acompañados de audios que explicasen cada un destes. Por fin recibimos mochilas e pulseiras grazas a participar no mesmo, e así de felices quedamos ó ver a sorpresa que nos esperaba por ser activistas en contra do acoso escolar.
E seguimos a crear historias, esta titúlase "O bosque da tribo". Nela pódese ver un final cunha reflexión importante que idearon, crearon e narraron o alumnado que participou desta actividade. Esperamos que vos guste!
Porque nos gusta contar e inventar historias, nesta entrada apórtase unha historia titulada "O mostro da selva" creada e narrada polo alumnado acerca dun rubí con poderes máximos. Non deixedes de vela!
Dende a materia de Valores cívicos e sociais estivemos investigando e realizando unha aproximación ó concepto de diversidade e a súa tipoloxía. Esperamos que vos guste a presentación, resultado da localización da información.
Os alumnos de 1º de primaria están traballando a descomposición dos números cas regletas. Ca descomposición están traballando tamén as propiedades conmutativa e asociativa da suma.
Durante estes últimos días, levamos visto como os lumes queiman os nosos montes de xeito indiscriminado.
A escola non pode ser allea ás situacións que se producen na sociedade, e moito menos, se se trata dun cole rural como o noso, que se atopa nunha das zonas máis castigadas polo lume desde sempre.
Os nos@s nen@s son moi conscientes do que está pasando no seu contexto diario e por iso, non podiamos pasar por alto a oportunidade dun traballo moi significativo traballando con eles sobre eso.
Despois de falar sobre o tema na asamblea, decidimos realizar uns carteis sobre cómo nos fai sentir esta situación de tantos montes queimados, así como tamén sobre precaucións ante un lume e medidas de prevención. por último, xuntamos todo o traballo nun vídeo co que quixemos expresar a tristeza e a impotencia que nos causa esta situación.
Unha cousa temos clara tanto nen@s como mestres: Non queremos máis lumes! Debemos coidar o noso planeta. É o noso maior tesouro!
Ola a todos, este curso os nenos de 1º e 2º de primaria están a traballar nun proxecto de lectura e escritura que se chama Hello Cambu e queren explicarvos en que consiste. Para elo crearon un vídeo con algúns dos materiais que creamos (con falta de ortografía incluidas) e un programa de radio. Con este proxecto queremos mellorar a motivación e a significatividade nesta etapa inicial da aprendizaxe da lectoescritura.
Hola a todos, este curso engadirei tamén no blogue os materiais que realicen os meus alumnos e alumnas na clase de inglés.
Hello everyone, a new course is starting and I would like to introduce all my students in the primary class. I am working again in the Ceip Manzaneda as a teacher of English and teacher of 1st and 2nd grade. The students of the primary class have written a text of introduction, practised reading it and recorded it in an app called SPARK VIDEO to make this video.
O curso 2017-2018 xa comezou e na clase das pulguiñas de Infantil aproveitamos moito o tempo.
Estas dúas primeiras semanas de curso dedicámolas a recordar as normas da clase, volver a desfrutar dos recunchos da nosa aula cos compañeiros e adaptarnos outra vez ás rutinas diarias da clase.
Tamén demos a benvida a dúas novas compañeiras: Carmen e Irea! Estamos encantad@s de telas connosco e estamos axudándolles moito para que a súa adaptación sexa xenial!
Neste vídeo, están recollidos algúns dos momentos destes días. E esto é só o principio.
Porque as diferentes emocións tamén se poden representar en ilustracións, mediante a técnica de visual thinking e stop motion, podedes ver o resultado subido a Youtube do creado polas alumnas da materia de Valores sociais e cívicos a partir da lectura completa do libro Emocionario. Esperamos que vos guste!
No Ceip Manzaneda fixemos unha convivencia na que compartimos un día estupendo co nenos e nenas de infantil e 1º e 2º de primaria do Ceip Manuel Bermúdez Couso de Trives.
Foi un día cheo de emocións e sentimentos compartindo experiencias entre coles tan cercanos e tan distintos.
Os nenos e nenas de Manzaneda intentaron explicar como foi este curso nun vídeo para compartir as súas experiencias cos seus compañeiros e compañeiras de Trives.
Fixemos este vídeo ca app de Google Fotos e os editamos con Imovie, para as animacións utilizamos unha app moi divertida chamada Funimate.
Utilizamos as mesmas apps para crear un vídeo que recolle as actividades que compartimos en Manzaneda Paradise .
Os alumnos e alumnas de 4º e 5º de primaria estiveron traballando a poboación e prepararon unhas presentacións para traballar e explicar o tema ós compañeiros.
Dividimos o tema en 2 partes e cada equipo preparou os seus contidos de maneira cooperativa por medio de esquemas.
Cas Presentacións de Google desenvolveron os contidos e o explicaron ós compañeiros.
Estamos traballando xa a historia en primaria. Alumnas de 1º e 3º de primaria, despois de visionar os vídeos sobre o tema de Erase Una Vez El Hombre e de traballar o libro de texto fixeron este poster dixital ca app Thinglink sobre o Paleolítico e o Neolítico.
Desde hai días, os nenos e nenas do cole levamos falado moito sobre o Día das Letras Galegas. Falamos, por suposto, do autor ao que este ano se lle adica o día que é Carlos Casares; e contamos tamén, algún dos contos tan orixinais e divertidos que Carlos Casares escribiu para os máis pequenos.
Xuntamos todo o traballado durante estes días e aquí temos os resultados.
Esperamos que o desfrutedes tanto coma nós!
Xogo creado pol@s nen@s de Infantil sobre Carlos Casares e a súa vida e obra.
Debuxos feitos sobre o conto 'A bomba da felicidade' (incluído no libro 'A galiña azul')
Aquí vos presentamos o novo capítulo das aventuras de XAJ feito con Toontastic e subido a Youtube. Esperamos que vos guste! E aprendades moitos valores como nós dende a materia de Valores sociaiais e cívicos.
Aquí tedes a segunda parte da nosa 'visita' a London. Empregamos de novo a app TC Studio e Imovie.
Esperamos que o desfrutedes! e xa sabedes, se queredes coñecer Londres, informádevos cos nos@s nen@s.
No mes de marzo, quedamos solos no cole os nenos e nenas de infantil e 1º e 2º de primaria e aproveitamos para sair todos xuntos a comprar.
Traballamos moitas cousas: a alimentación sana, a moeda, as cantidades...
E o pasamos moi ben ... coma sempre.
Neste trimestre estivemos a traballar sobre as plantas en Manzaneda.
Preparamos os contidos por niveis cos libros de texto e realizando algún experimento. Despois todos os alumnos e alumnas de primaria fixeron un traballo de posta en común sobre algunhas das plantas propias na zona.
Con esa información realizamos uns vídeos ca app Touchcast.
Estivemos a plantar uns árbores no patio do colexio, foron 2 castiñeiros, unha oliveira e unha nogueira. Vai a ser estupendo miralos crecer cos nosos nenos e nenas.
Estes días invitaronnos á lectura de fragmentos do Principiño lidos en distintas linguas: galego, inglés, francés, catalán.
Esta lectura realizouse a carón do día das letras galegas adicado este ano a Carlos Casares que traduciu O Principiño ó galego.
As pulguiñas de Infantil estamos inmersas nun Proxecto chamado 'A Volta al mundo en 80 días' . O mesmiño Willy Fog nos encargou este proxecto, que consiste en averiguar cousas sobre os países que vai percorrer el na súa volta ao mundo.
E como somos xente moi cumplidora, comezamos a investigar sobre o lugar de saída e tamén de orixe do señor Willy Fog. Viaxamos ata Londres, e grabamos vídeos no lugares mais coñecidos desta fermosa cidade. Empregamos para esto a app TC Studio e imovie.
Aquí tedes os primeiros resultados.
A continuación, un novo xogo para traballar a conciencia fonolóxica, discriminación de letras e iniciación á lectoescritura. Está pensado especialmente para @s nen@s de 5 anos, pero tanto @s de 4 como @s de 3 poden probar. Seguro que hai algunha letra que xa recoñecen! A semana pasada probamos o xogo en clase e foi todo un éxito!
Case un mes despois do Entroido, todavía seguimos rematando materiais que traballamos na aula de Infantil.
Quixemos explicar todo o que coñecemos sobre as tradicións do Entroido na nosa localidade, e para iso, coa colaboración dos pais/nais do cole, recopilamos moitas fotos e información.
Unha vez que tivemos todo organizado, empregamos a app Spark Video para facer un video explicativo do Entroido desde a visión duns nen@s que son verdadeiros expertos no tema.
Esperamos que vos guste o traballo que fixemos de repaso sobre os contravalores dende a materia de Valores sociais e cívicos con Tawe e subido con Youtube sendo previamente elaborado con glogster.
Póster interactivo realizado con glogster e Genial.ly sobre a explicación dalgúns valores sociais e cívicos con vídeos animados realizados en Zoobe e subidos a youtube polo alumnado do CEIP de Manzaneda dende a materia de Valores sociais e cívicos.
Serie de animación feita polo alumnado do CEIP Manzaneda dende a materia de Valores sociais e cívicos sobre a Paz do mundo con Toontastic. Antes da súa creación, requeriuse da elaboración dun guión elaborado con Microsoft Office Word onde se organizasen tres esceas coas personaxes elexidas para cada unha das mesmas. Esperamos que vos guste, sobre todo a reflexión final de Albert Einstein.
Vídeo compartido en Youtube sobre a biografía de Bertha Von Suttner de Praga que obtivo o Premio Nobel da Paz realizado polo alumnado do CEIP de Manzaneda. Dito video insertouse tamén nunha presentación elaborada intercentros (CEIP Plurilingüe Manuel Bermúdez Couso e CEIP Manzaneda) e que se enmarca nunha investigación sobre a biografía de mulleres que obtiveron o Premio Nobel da Paz e que se pode consultar neste enlace http://tololeotrives.blogspot.com.es/2017/01/mulleres-premiadas-co-nobel-da-paz.html
Audiocarteis en contra do acoso escolar-bullying, deseñados polo alumnado de 3º, 4º e 5º de Educación Primaria do CEIP de Manzaneda dende Departamento de Orientación, para participar no concurso da ONCE, Somos diferentes no indiferentes. A ver se temos sorte e gañamos algunha das categorías!
Para poder deseñalos antes informáronse acerca do tema de traballo para logo pensar nun eslogan, imaxes e textos que ían considerar para o seu traballo. Tamén aportaron texto en braille e fotografías en lingua de signos das súas mans. Para o seu desenvolvemento utilizaron material de papelería, cámara fotográfica, móbil para grabar o audio, e para a edición realizouse con MovieMaker e compartiuse en Youtube.
Presentación realizada sobre o acoso escolar-bullying polo alumnado do CEIP de Manzaneda dende a materia de Valores sociais e cívicos con GoogleDrive e GooglePresentaciones. Para a mesma, utilizaron diferentes fontes informativas da rede para documentarse e comprender en que consiste e como se produce.
Póster deseñado polo alumnado do CEIP de Manzaneda dende a materia de Valores sociais e cívicos con Glogster e compartido con Canva. Espereamos que vos guste e cree concienciación sobre esta terrible realidade, posto que cada vez son máis as novas de violencia machista.
No cole de Manzaneda e na aula de Infantil, sempre desfrutamos das festividades, pero sen dúbida, unha das nosas favoritas é o Entroido. Aquí vos deixamos un video con todas actividades que realizamos as pulguiñas nestes días de Entroido. Tamén algunhas que compartimos cos nenos/as d primaria, que xa saberes que somos unha pequeña familia, e por iso nos encanta compartir moitos momentos xuntos.
Como veredes, foi un Entroido moi atareado. Desde facer os lardeiros e lardeiras, decorar máscaras é ata crear os nosos disfraces.
Hoxe tivemos no cole a Pepe Dieguez, unha mázcara do carnaval, que viu a falarnos das tradicións do carnaval en Manzaneda. Falounos das mázcaras, do fulión e da fuliada, dos instrumentos, do lardeiro e da lardeira ...
Aproveitamos a visita para facer unha emisión en directo que quedou recollida en Youtube e que compartimos con todos aquí.
Todos os nenos e nenas do cole estivemos preparando os nosos lardeiros e lardeiras para poder correlos. O xoves de compadres as nenas esconderon os seus lardeiros e o xoves de comadres os nenos esconderan os seus.
Ca ferramenta online Prezi os alumnos de 4º e 5º prepararon unha presentación na que explican como se fan os lardeiros, como os corren agora e como os corrían os seus pais.
Os alumnos de primaria encargaronse de facer os vídeos e os pais colaboraron tamén envíandonos vídeos onde explicaban como celebraban o lardeiro cando eles eran pequenos. Os alumnos editaron todos estes vídeos ca app para Ipad Imovie.
Estamos a traballar sobre o Entroido no cole. En Manzaneda este é un tempo especial cheo de tradicións que intentaremos explicar cos traballos que publicaremos nestas entradas.
Xa casi nos olvidamos de que no nadal fixemos unha visita, como todos os anos á residencia de ancianos de Manzaneda, na que compartimos cantigas, panxoliñas e agasallos feitos por nos.
O Día da Paz o celebramos dunha maneira moi especial este curso. O luns 30 de febreiro todos os alumnos do cole fomos a Trives a pasar o día no Ceip Manuel Bermúdez.
Foi un día moi intenso para nós, cheo de emocións e de experiencias distintas. Moitas delas quedan recollidas neste vídeo.
Ademais, para traballar valores tan necesarios na actualidade como o respeto, a liberdade, a cooperación, a tolerancia e a interculturalidade nun mundo libre de fronteiras, decidimos traballar a canción 'Tu enemigo' (Pablo López & Juanes).
Utilizamos por primeira vez o Chroma (unha técnica que nos permite engadir imaxes de fondo e 'trasladarnos' a calquera lugar sen necesidade de desprazarnos). En concreto, a aplicación empregada foi Touch cast studio.
Aproveitamos tamén para amosar no vídeo parte da beleza da nosa contorna e das súas tradicións para o que contamos coa colaboración dalgún pai/nai . Quixemos así mesturar os valores tan universais que citamos antes, coa esencia do noso concello.
Durante estes días, @s nen@s de Infantil estamos a traballar as cidades e todas as tendas que podemos atopar nelas ou en calquera vila. Unha das moitas tendas que traballamos foi a froitería. Nela podemos mercar froitas riquísimas e cheas de vitaminas como son as laranxas.
Por iso, a semana pasada decidimos poñernos mans á obra e facer un delicioso zume de laranxa que nos deu enerxía para todo o día! Aquí tedes todos os pasos da receita. O resultado podémosvos asegurar que foi delicioso!
